D дәруменінің адам денсаулығындағы рөлі

D дәрумені — ағзадағы көптеген алмасу процестеріне қатысатын маңызды зат. Ол тек сүйек жүйесіне ғана емес, сондай-ақ иммундық, жүрек-қантамыр, эндокриндік және жүйке жүйелеріне әсер етеді.

???? Негізгі қызметтері:
– кальций мен фосфордың сіңуіне көмектеседі,
– сүйек пен тістердің беріктігін сақтайды,
– суық тиюдің алдын алады,
– көңіл-күй мен ұйқыны реттейді,
– инсулин деңгейін бақылауға қатысады.

???? D дәрумені жетіспегенде:
– үнемі шаршау,
– бұлшықет пен буын аурулары,
– жиі ауыру,
– ұйқысыздық пен мазасыздық байқалуы мүмкін.

???? Бұл дәрумен балалар мен егде жастағы адамдар үшін аса маңызды. Өсу кезінде және остеопороздың алдын алу үшін қажет.

???? D дәруменінің көзі:
– күн сәулесі (күніне кемінде 15–20 минут),
– майлы балық, жұмыртқа, бауыр, арнайы байытылған сүт өнімдері,
– профилактикалық мөлшердегі дәрумендік қоспалар (дәрігер кеңесімен).

???? Ескерту: D дәруменін өз бетіңізше қабылдамаңыз.
Алдымен 25(OH)D талдауын тапсырып, дәрігерден нақты кеңес алған жөн.

Астана қаласы №13 қалалық емханасы барлық азаматтарға, әсіресе күз-қыс мезгілінде, D дәрумені деңгейін тексеріп, профилактика шараларын ұстануға кеңес береді.