2025 жылдың тақырыбы: «Өзгерістерге жол ашайық: емізуді қолдайық»

Жыл сайын 1–7 тамыз аралығында әлем бойынша Дүниежүзілік емізу апталығы аталып өтеді. Бұл бастаманың мақсаты — ана сүтімен емізудің ана мен баланың денсаулығына пайдасы туралы ақпаратты арттыру, сондай-ақ бала емізетін әйелдерді әлеуметтік және медициналық қолдаудың маңыздылығын еске салу.

???? Ана сүтімен емізудің артықшылықтары:
– Сәбилердегі жұқпалы аурулар қаупін азайтады,
– Тұрақты иммунитет қалыптастырады,
– Семіздік пен қант диабетінің алдын алады,
– Баланың эмоционалдық дамуына әсер етеді,
– Аналарда сүт безі қатерлі ісігінің қаупін төмендетеді.

????‍⚕️ №13 қалалық емханада патронаж және кеңес беру жүйесі ұйымдастырылған. Мұндағы мамандар аналарға сәбиді емізуді жолға қоюға көмектесіп, «алтын сағат» пен «сұраныс бойынша емізу» қағидаларын түсіндіреді.

???? Біз бала емізетін аналарды тек медицина мекемелерінде емес, сонымен қатар қоғамда — жұмыс орнында, отбасында және ақпараттық кеңістікте қолдауға шақырамыз.

???? Ана сүтімен емізу — бұл әйелдің жеке таңдауы ғана емес, бұл — болашақ ұрпақтың денсаулығына қосқан үлес.