Туберкулёз дегеніміз не?
Туберкулёз — Mycobacterium tuberculosis (Кох таяқшасы) бактериясынан туындайтын жұқпалы ауру. Көбінесе өкпені зақымдайды, бірақ қоздырғыш басқа мүшелерге де әсер етуі мүмкін: лимфа түйіндері, сүйектер, бүйрек, ми қабықтары.
Қалай жұғады?
Жұқтыру ауа-тамшылы жолмен жүреді — науқас жөтелгенде, түшкіргенде немесе сөйлескенде. Сирек жағдайда — залалданған заттар, тағам немесе анадан балаға берілуі мүмкін.
Назар аударатын белгілер
• 2–3 аптадан астам уақытқа созылған жөтел (қақырықты немесе қақырықсыз)
• Кешке қарай қызудың көтерілуі
• Түнгі тершеңдік
• Салмақ жоғалту, тәбеттің төмендеуі
• Шаршағыштық, әлсіздік
Ерте анықтаудың маңызы!
Аурудың бастапқы кезеңінде емдеу нәтижелі болады. Дер кезінде анықтамау және емді үзу асқынуларға, дәріге төзімді түрлерінің пайда болуына әкеледі. Бұл жағдайда емдеу ұзақ әрі күрделі болады.
Алдын алу шаралары!
• Жыл сайын флюорография немесе рентген тексеруінен өту
• Нәрестелерге БЦЖ екпесін салу және көрсетілім бойынша қайта егу
• Белгілер пайда болғанда дер кезінде дәрігерге қаралу
• Ауру адаммен қарым-қатынаста гигиеналық талаптарды сақтау
Есте сақтаңыз: туберкулёз — емделетін ауру. Ерте анықтау және емді толық өту — денсаулығыңызды сақтаудың және инфекцияның таралуын тоқтатудың кепілі.
Туберкулёз дегеніміз не?
28.08.2025
